Sükan arxasında əsəbləri cilovlamaq üçün BUNLARI EDİN

Son zamanlar yollarda avtomobillərin iştirakı ilə baş verən qəzaların sayı getdikdə artmaqdadır. Bu, bir neçə səbəbdən qaynaqlanır. Məsələn, təcrübəsiz, sürücünün sükan arxasında əyləşməsi. yuxulaması, əsəbləşməsi və s.

Bəs, təcrübəsiz sürücü həyəcanını necə üstələyə bilər?

ULUSUM.az bununla bağlı bir neçə məsləhəti təqdim edir:

Digər sürücülərin reaksiyalarını düşünməyin.

Bir çox təcrübəsiz sürücülər digər sürücülərin mənfi reaksiyaları ilə üzləşməkdən qorxurlar.

“Başqaları mənim haqqımda nə düşünəcək? Yəqin ki, mənə hirsləniblər”, - deyə düşünür və daha tez-tez səhvlər etməyə başlayır.

Digər sürücülərin reaksiyasını düşünməyin və onların qarşısında utanmamağa çalışın.

Demək olar ki, bütün təcrübəli sürücülər yolda yeni gələnlərə anlayışla yanaşırlar.

Smartfonunuza toxunmayın

Sükan arxasına keçməzdən əvvəl naşı sürücü mobil cihazı söndürməli və ya heç olmasa onu səssizə qoymalıdır. Belə bir sürücünün onsuz da diqqətini yayındıran çoxlu məqamlar olacaq. Niyə başqa şeylərə də ehtiyac olsun ki?

Sürməkdən zövq alın

Düzgün yerinə yetirilən hər manevrdən zövq almağa çalışın. Bu halda avtomobil idarə etmək artıq “işgəncə” olmayacaq. Proses daha az stresli olacaq.