Elektromobilləri hardan almaq lazımdır? - MÜTƏXƏSSİS RƏYİ EKSKLÜZİV

Azərbaycanda son illər elektriklə işləyən avtomobillərdən istifadənin genişləndirilməsi istiqamətində önəmli addımlar atılır.

Eyni zamanda həmin avtomobillərin satışında da ciddi artım müşahidə olunur.

Sürücülər isə bir sual düşündürür, elektromobilləri hardan alsaq daha səmərəli olar.

Ulusum.az bununla bağlı Azərbaycan Avtomobil Dilerləri Assosiasiyasının (AADA) icraçı direktoru Eyyub Əliyevlə məsələyə aydınlıq gətirib. E.Əliyev elektromobilləri rəsmi dillərlərdən almağı tövsiyə edib:

“Elektromobilləri rəsmi dillerlərdən almaq daha münasibdir. İlk növbədə, rəsmi dillerlər tərəfindən satılan avtomobillərin zəmanəti var, həm servis xidməti, eyni zamanda peşəkar ustaları var. Bundan başqa, maksimum dərəcədə çalışırlar ki, müştəriləri ehtiyat hissələri ilə təmin etsinlər. Hazırda rəsmi dilerlər tərəfindən satılan avtomobillərlə bağlı hər hansı çətinlik müşahidə olunmur".

Hazırda qeyri-rəsmi dilerlər və bəzi idxalçılar Çindən maşınlar gətirsələr də onların zəmanəti və servis xidməti yoxdur. Bundan əlavə, avtomobil alıcılarını ehtiyat hissələri ilə də təmin etmirlər.

Eyyub Əliyev bu kimi halların baş verməməsi üçün rəsmi dilerlərin tanınmış avtomobil zavodlarında ixtisaslaşmış servis əməkdaşlarının çalışdığını vurğulayıb.

Qeyd edək ki. hazırki vəziyyətdə eketromobillərin ehtiyat hissələri baxımdan əlçatanlıq yalnız Bakı daxilindədir. Yəni, paytaxtdan kənarda müəyyən çətinliklərə rast gəlinə bilər.

Ağa Dadaşzadə