“BakuBus”da sərnişin VANDALİZMİ: Şirkət niyə susur? EKSKLÜZİV

Paytaxt Bakıda hər gün minlərlə insan ictimai nəqliyyatdan istifadə edir.

Tələbata uyğun olaraq mütəmadi olaraq reysə yeni avtobuslar buraxılsa da, nədənsə qısa vaxtda onların da köhnə avtobus "libas"ını geyindiyinin şahidi oluruq... Zədələnmiş və kirli oturacaqlar, boş yerlərə doldurulmuş kağız parçaları və s. Qısası, “BakuBus"un sərnişinləri arasında əmlaka qəsdən ziyan verənlər az deyil.

Bəzi sərnişinlərin əmlaka ziyan vurması, insanların rahatlığına əngəl törətmələri hansı məqsəd daşıyır?

Bu işi görənlər düşünmür ki, elədikləri cinayət əməlidir?

Yollarda tıxacdan dolayı yaranan narahatlıq bir yana, digər yandan da bu cür xoşagəlməz mənzərə ivtimai nəqliyyatda sərnişinlərin diskomfortunu təmin etmiş olur. Bunların etdiyi tək şirkətə deyil, bütün sərnişinlərə hörmətsizlikdir. Belə şəxslər ictimaiyyət tərəfindən qınanmalı və ifşa olunmalıdır. Şəhər sakinlərinin istifadəsində olan yeni və müasir avtobusları korlamaq elə vandalizm qədər ağır cinayətdir.

Ən ağrılı məqamlardan biri budur ki, bu cür etinasızlığa “BakuBus” göz yumur.

İctimai qınağın müntəzəm hal almasını ən az sərnişinlər qədər şirkət tələb etməlidir....

Ağa Dadaşzadə