Dollar qalxacaq? ESKPERTDƏN AÇIQLAMA - EKSKLÜZİV

"Dolların məzənnəsinin dəyişməsi hökumətin iradəsindən asılıdır. Hökumət istədiyi anda, manatın dollara nisbətən məzənnəsini azlada da bilər, artıra da bilər". Bunu xüsusi olaraq Ulusum.az-a açıqlamasında iqtisadçı Akif Nəsirli deyib.

Ekspert dolların qiymət dəyişikliyinin tənzimlənən proses olduğunu bildirib:

“Dolların qiyməti hökumət tərəfindən tənzimlənir, ancaq hökumətin də hər hansı bir qərar verməsi üçün şərait yaradılmalıdır. Məsələn, fevral ayında hərraca 1 ay ərzində 1 milyard dollara yaxın vəsait çıxarıldı. Ancaq mart ayında bu göstərici yarıbayarı azaldı, təxminən 493 milyon dollara düşdü”, - deyə ekspert vurğulayıb.

Akif Nəsirli eyni zamanda manatla dolların hazırkı durumundan da danışıb:

“Hökümətin manatla dolların münasibətinin dəyişməsi üçün əsas faktor ondan ibarətdir ki, neft ucuzlaşarsa, eyni zamanda ölkə daxilində dollara tələbat tutaq ki, fevral ayındakı səviyyəyə çatarsa hökumət məcburən devalvasiyaya gedə bilər, yəni manat ucuzlaşa bilər. Ancaq hazırda neftin qiyməti 90 dollar ətrafındadır, hər ay Neft Fondunun aktivləri artır. Buna görə də hökumətin hazırda geniş imkanları var ki, prosesi sabit saxlasın”.

Beləliklə, gedişat göstərir ki, yaxın gələcəkdə qiymət artımı və devalvasiya gözlənilmir.

Ağa Dadaşzadə
[center][/center]