Bir ailə yanaraq həlak oldu - TOYDA

Hindistanda bir ailə toyda baş verən yanğında yanaraq ölüb.

ULUSUM.az bildirir ki, hadisə aprelin 25-də Biharın Darbhanqa şəhəri yaxınlığındakı kənddə baş verib. Axşam dostlar və qohumlar Çhaqan Pasvanın nikah mərasiminə toplaşıblar. Təntənəli kortej toy yerinə çatanda, qonaqların yerləşdiyi çadırda atəşfəşanlıq edilib.

Qısa zamanda alovdan qaz balonunun partlaması yanğını daha da gücləndirib. Üstəlik, alov sürətlə evlərdən birinin yanında yerləşən dizel yanacağı anbarına çatıb. Yanğınsöndürənlərin səyinə baxmayaraq, 6 nəfəri xilas etmək mümkün olmayıb. Onların hamısı eyni ailənin üzvləri olub.