QHT Agentliyinin yeni icraçı direktoru işə niyə çıxmır? İDDİALARA CAVAB - EKSKLÜZİV

Qeyri-Hökumət Təşkilatlarına Dövlət Dəstəyi Agentliyinin icraçı direktoru Aygün Əliyevanın bir neçə gündür işə çıxmadığı barəsində Ulusum.az-a məlumat daxil olub.

Mənbə bildirir ki, bir neçə gündür Aygün Əliyevanın xidməti avtomobili qurumun qarşında görünmür. İddialara görə, vəzifəsinin təhvil-təslim işlərinin getdiyi də deyilirdi. Bununla bağlı qurumun mətbuat xidməti ilə əlaqə saxladıq. Qurumun sözçüsü Ülviyyə Qarayeva iddiaları təkzib etdi. Onun sözlərinə görə deyilənlər həqiqətə uyğun deyil: “Aygün xanım işinin başındadır, hər şey öz qaydasında gedir”.

Ü.Qarayeva xidməti Aygün Əliyevanın xidməti avtomobilindən niyə istifadə etmir sualına belə cavab verdi: “O haqda dəqiq məlumatım yoxdur, ancaq onu deyə bilərəm ki, hər şey öz qaydasındadır”.

Qeyd edək ki, Aygün Əliyeva 2021-ci ilin noyabrından Qeyri-Hökumət Təşkilatlarına Dövlət Dəstəyi Agentliyinin icraçı direktoru vəzifəsini icra edir.

Ağa Dadaşzadə