Dubay və Əbu-Dabiyə səyahət edənlərin NƏZƏRİNƏ! EKSKLÜZİV

Dubay və Əbu-Dabiyə səyahət edənlərin hotellərdə ehtiyatlı olmaları vacibdir.

Ulusum.az xəbər verir ki, son dövrlər Dubay və Əbu-Dabidə səyahətdə olarkən hotellərə yerləşən zaman hotel işçilərindən mini barları boşaltmağını tapşırın. Əks halda hoteldən çıxış edəndə istifadə etmədiyiniz içki və məzələrin pulunu ödəmək məcburiyyətində qala bilərsiniz.

Bu barədə xüsusi olaraq Ulusum.az-a danışan tur bələdçisi Vüqar Qasımov deyir ki, BƏƏ-dəki hotellərdə belə hallar müntəzəm baş verir:

“Bu problem illərə bağlanır. Turistlərə qarşı belə addım atmaq, özü də hoteldən çıxış vaxtı problemi yaratmaq hotelin büdcəsinə "gəlir" gətirmək məqsədi daşıyır. Haqqını tələb edən müştərilər ziyansız hoteli tərk edə bilirlər, naşı turistlər olanda hətta 10 min dollar civarında da ziyana düşə bilərlər. Ona görə belə bir problem yaranmasın deyə ehtiyatı öncədən saxlamaq lazımdır”.

Ağa Dadaşzadə