Acun futbol klubunu alır?

Məşhur türkiyəli iş adamı və "Hall Siti"nin sahibi Acun Ilıcalının yeni klub almaq planları üzə çıxıb.

ULUSUM.az bildirir ki, Sloveniya Liqası komandalarından olan "NK Maribor" Ilıcalının yeni hədəfi olub.

UEFA Avropa Konfrans Liqasının 3-cü təsnifat mərhələsində "Fənərbağça" ilə qarşılaşan "Maribor" ilk matçda səfərdə 3:1, ikinci matçda isə evdə 3:0 hesabı ilə məğlub olub.

Klubun yaydığı açıqlamada qeyd olunub ki, potensial investorlarla görüşmə və məlumat toplama prosesi həyata keçirilir:

"Bunlar məcburi olmayan görüşlər olduğu müddətcə mətbuatda çıxan xəbərlərə və ya namizədlərlə bağlı şayiələrə şərh verə bilmərik".