Belarusun yeni prezidenti kim olacaq?- AÇIQLAMA EKSKLÜZİV

Lukaşenko etibarlı şəxs tapan kimi təqaüdə çıxacağına dair söz verib

ULUSUM.az saytının Belarusun yerli mətbuatına istinadən verdiyi məlumata əsasən, bu ölkənin prezidenti Aleksandr Lukaşenko sadiq, “xəyanət etməyəcək” adam tapdıqda istefa verəcək. O, bunu ÜmumBelarus Xalq Assambleyasının (VNS) sədri vəzifəsinə seçildikdən sonra bəyan edib.

"Mən bu vəzifəmdə ömürlük qalası deyiləm, sadəcə ölkəm üçün hər şeyin ən yaxşının olmasını istəyirəm", - deyə Belarus lideri siyasi prioritetlərini açıqlayıb.

Lukaşenko prezident olduğu müddətdə əldə etdiyi nailiyyətlərin qorunub-saxlanmasının vacibliyinə diqqət çəkib.

"Mən də bir belaruslu kimi, siyasi həyatımın sonunun layiqli olmasını istəyirəm. Və öz əlimizlə yaratdıqlarımızı bundan sonra da qoruyub-saxlamaq niyyətindəyəm.

Gələcəkdə Belarusa rəhbərlik edə biləcək liderdən danışan Lukaşenko onu xalqına xəyanət etməyən, hər bir çətinliyə dözə bilən şəxs kimi xarakterizə edib.

Rəşad Ələkbərov