Maestro Ceyhun: “MÖHTƏŞƏM LAYİHƏLƏR QARŞIDADIR” EKSKLÜZİV

Tanınmış skripka ifaçısı, Maestro Ceyhun Ulusum.az-a eksklüziv açıqlama verib. Sənətçi son ayları ölkə xaricində olduğunu bildirib:

“Ötən ay İstanbulda konsert verdim, çox yaxşı konsert baş tutdu. Daha sonra Azərbaycanın Kubadakı səfirliyi məni Kubanın paytaxtı Havanaya, möhtəşəm konsertə dəvət etdi, şəxsən səfir Ruslan Rzayevə təşəkkür edirəm. Həqiqətən böyük bir konsert baş tutdu, hər şey mükəmməl idi. Bir neçə gündür vətənə qayıtmışam, hazırda yaz aylarıdır, bağ mövsümünün startını vermişəm. Bundan başqa, toylar da başlayıb, işlər çoxdur".

Maestro yaxın zamanlarda sosial şəbəkə istifadəçilərini sevindirəcəyini də əlavə edib: "17 mart tarixində Opera Studiyasında verdiyim konsertin montaj işləri də başlayıb, tezliklə bütün sosial şəbəkələrdə tamaşaçıların ixtiyarında olacaq".

Fəaliyyət istiqaməti genişdir, qarşıda möhtəşəm proyektlər var, zaman-zaman geniş məlumat verəcəyəm”.
Yaradıcılıq fəaliyyətini xeyli genişləndirən sənətkar növbəti aylarda möhtəşəm layihələrlə tamaşaçıların qarşısına çıxacağını vurğulayıb.

Ağa Dadaşzadə