Trampın Rusiya-Ukrayna müharibəsi planı

ABŞ-ın keçmiş prezidenti və prezident Baydenin 2024-cü il prezident seçkilərindəki rəqibi Donald Trampın “Ukrayna planı” haqda mətbuatda xəbərlər yayılıb.

Ulusum.az “Reuters”ə istinadən bildirir ki, Trampın iki əsas müşaviri ABŞ prezident seçkilərində qalib gələcəyi təqdirdə Rusiya-Ukrayna müharibəsinə son qoymaq planını təqdim edərək, “Ukraynanın yalnız sülh danışıqlarına girəcəyi təqdirdə ABŞ-dan daha çox silah alacağını bəyan edəcəyini” qeyd edib.

Trampın 2017-2021-ci illər arasında prezidentliyi dövründə Milli Təhlükəsizlik Şurasında çalışmış Kelloq və Fred Fleitz tərəfindən hazırlanan plana görə, sülh danışıqları zamanı üstünlük təşkil edən döyüş xətləri əsasında atəşkəs olacaq.

İstefada olan general-leytenant Keyt Kelloq bildirib ki, ABŞ Moskvanı da xəbərdar edəcək ki, danışıqlardan imtina edərsə, ABŞ Ukraynaya dəstəyini artıracaq.

Məlumata görə, Ukraynanın NATO-ya üzvlüyünü uzun müddətə təxirə salmaq vədi ilə Moskvanı da masa arxasına oturmağa razı salmaq olar.
Trampın planı mediada əksini tapdıqdan sonra Kreml açıqlama verib.

Putin administrasiyası gələcəkdə mümkün ABŞ administrasiyası tərəfindən təklif olunan istənilən sülh planının təfərrüatlarını görməli olacağını, lakin danışıqlara açıq olduğunu açıqlayıb.
Aymirə Ağamirova