İsrail köçkün fələstinlilərin çadırlarını bombaladı: 25 ölü

İsrail ordusu Rəfahın qərbindəki Əl-Məvasi bölgəsində fələstinlilərin çadırlarını hədəfə alıb.
Ulusum.az-ın məlumatına görə,
hücum nəticəsində 25 nəfərin öldüyü, 50 nəfərin yaralandığı bildirilib. Qeyd edilib ki, 30 nəfərin cəsədi Qəzza zolağının şimalında yerləşən Qəzza şəhərində Əl-Ehli Baptist Xəstəxanasına gətirilib.

İsrail ordusunun Qəzza zolağının cənubundakı Rəfah şəhərində köçkün fələstinlilərin çadırlarının yerləşdiyi Əl-Məvasi bölgəsində həyata keçirdiyi hücumda 25 nəfər ölüb, 50 nəfər yaralanıb.

İsrail tankları Rəfahın qərbindəki Əl-Məvasi bölgəsinə top mərmiləri ilə hücum edib.

Fələstin Səhiyyə Nazirliyindən verilən yazılı açıqlamada, İsrail ordusunun köçkün fələstinlilərin çadırlarını bombalaması nəticəsində 25 fələstinlinin həyatını itirdiyi, 50 fələstinlinin isə yaralandığı bildirilib.

Hadisə şahidləri həmçinin İsrail ordusunun tanklarının Mevasi bölgəsində fələstinlilərin çadırlarının yerləşdiyi əraziləri bombaladığını və çadırlarda yanğının başladığını bildiriblər.
Aymirə Ağamirova