Diyarbəkirlə Mardin arasında küləş yanğını: 3 ölü

Diyarbəkirin Çinar və Mardinin Mazıdağı rayonları arasındakı ərazidə baş verən küləş yanğını qrupların müdaxiləsi ilə nəzarətə götürülüb. Geniş əraziyə yayılan alovda 3 nəfər həyatını itirib.

Ulusum.az xəbər verir ki, yanğına müdaxilə etmək üçün Diyarbəkir və Mardindən yardım qrupu, Meşə Əməliyyat Müdirliyi, xilasetmə və 112 Təcili Sağlamlıq qrupları cəlb edilib. Qrupların müdaxiləsi nəticəsində yanğın nəzarətə götürülüb.
Diyarbəkir valisi Əli İhsan Su küləş yanğınında 3 nəfərin həyatını itirdiyini açıqlayıb. Yanğının qrupların müdaxiləsi ilə nəzarət altına alındığını və bölgədə söndürmə işlərinin aparıldığını bildirən Qubernator Su, "Həlak olan vətəndaşlarımıza Allahdan rəhmət, yaralılarımıza isə şəfalar diləyirəm", deyə bildirib.