Argentinada Etirazlar: Polislə Toqquşmalar

Argentinada Prezident Xavyer Mileinin iqtisadi islahatlar layihəsi ilə bağlı Konqresdə müzakirələr gedərkən etirazçılarla polis arasında toqquşma baş verib. Ulusum.az saytının məlumatına görə, polis kütləni dağıtmaq üçün su şırnaqları və gözyaşardıcı qazdan istifadə edib, etirazçılar isə polisə müxtəlif əşyalar atıblar. Televiziya kanalına aid bir avtomobil aşırılaraq yandırılıb və yanğınsöndürənlər tərəfindən söndürülüb. Rəsmi məlumatlara görə, hələlik yaralı yoxdur, lakin jurnalistlər hadisə yerində təcili yardımın yaralılara kömək etdiyini bildiriblər. Müxtəlif sosial qruplar və birliklər hökumətin təklif etdiyi islahatlara qarşı etiraz ediblər. Layihə artıq Deputatlar Palatasında təsdiqlənib və bir il müddətinə icra hakimiyyətinə qanunverici səlahiyyətlər verməyi nəzərdə tutur.

Calal Mir