Botoks neçə yaşdan sonra edilməlidir?

Son illər botoksa tələbat xeyli artıb. Botoks, dəridə yaranan qırışları azaltmaq, mimik cizgilərini yumşaltmaq, həddindən artıq tərləməni nəzarətdə saxlamaq və bəzi tibbi vəziyyətlərin müalicəsinə köməkçi olmaq üçün geniş bir şəkildə istifadə olunur.

İlk dəfə 1989-cu ildə kəşf edilən Botok proseduru 90-cı illərdə daha da popilyarlıq qazanmağa və etibarlı kosmetoloji prosedura çevrilir.

Estetik məqsədi ilə botoksa tələbatın artması insanların özlərini daha gənc hiss etmək istəyi ilə bağlıdır. Bu marağın artmasında sosial medianın təbliğat işində rolu böyükdür.

Botoksun 18 yaşdan tez istifadəsi məsləhət görülmür. Bu prosesdən faydalanmamışdan öncə sağlamlığınızın yerində olub-olmadığı, reaksiyaları həkim tərəfindən qabaqcadan öyrənilməlidir.
Botoks, adətən təhlükəsiz bir müalicə növü kimi qəbul edilir, ancaq əks təsirləri və riskləri də ola bilər. Prosedurdan sonra yüngül ağrı, şişlik və ya qızartı müşahidə olunsa da, bunlar çox keçmədən aradan qalxır.

Nadir hallarda isə botoksun ciddi əks təsirləri də ola bilir:

1. İnfeksiyaya yoluxma: Belə vəziyyətdə doktorunuza müraciət etməlisiniz.

2. Üz ifadəsində dəyişikliklər: Botoks vurulan əzələnin müvəqqəti olaraq funksiyasını itirməsinə səbəb ola bilər ki, bu da ifadəni dəyişə bilər. Bu, adətən müvəqqətidir, lakin bəzən arzuolunmaz nəticələrə səbəb ola bilər.

3. Digər əzələlərin zəifliyi və ya tutulması: Botoks, həmçinin inyeksiya edilən bölgədəki əzələlərdən başqa əzələlərə də təsir edə bilər ki, bu da arzuolunmaz əzələ zəifliyinə və ya tutulmasına səbəb ola bilər.

4. Allergik reaksiyalar: Nadir hallarda botoks tətbiqindən sonra allergik reaksiyalar inkişaf edə bilər. Şiddətli qaşınma, ürtiker, tənəffüs çətinliyi və ya udma çətinliyi kimi simptomlar baş verərsə, təcili tibbi yardım tələb oluna bilər.

5. Digər tibbi ağırlaşmalar: Botoksun istifadəsi müəyyən tibbi vəziyyəti olan insanlarda baş verə bilər və ya müəyyən dərmanlarla qarşılıqlı təsir göstərə bilər. Buna görə də, botoks tətbiq etməzdən əvvəl xəstəlik tarixçənizi və istifadə etdiyiniz dərmanları həkiminizlə paylaşmalısınız.

Bildirək ki, botoksun riskləri və yan təsirləri insandan insana dəyişə bilər. Proseduru həyata keçirəcək həkim-mütəxəssislə qabaqcadan risklər və gözləntilən barədə ətraflı danışmaq vacibdir.

Aymirə Ağamirova