Uşaq həkimləri üzrə yerlər boş qaldı - Səbəb

Həkimlər üçün keçirilən imtahanların keçirilməsindən sonra bir çox xəstəxanalarda pediatriya şöbəsi boş qaldı.

Ulusum.az xəbər veirr ki, bunu Türkiyə Pediatrlar Dərnəyinin Prezidenti Prof. Dr. Haluk Çokçalış açıqlayıb.

Körpəlikdən böyüyə qədər uşaqların fiziki inkişafını, xəstələrin diaqnostikasını və müalicəsini izləyən pediatriya şöbəsində son illər geriləmələr müşahidə olunur. 2024-cü il Tibbi Ixtisasartırma İmtahanının (TUS) 1-ci müddət yerləşdirmə nəticələri də bunun təsdiqi oldu.

Prof. Dr. Çokçalış qeyd edib ki, Başakşehir Çam və Sakura Şəhər Xəstəxanalarının 30 nəfərlik vakant yerinə qarşılıq cəmi 2 nəfər yerləşdirilib.

Son illərdə pediatriyaya marağın azalmasının bu il də davam etdiyini bildirən Prof. Dr. Çokçalış, pediatrların qarşılaşdığı problemlərin həlli yollarının müzakirə edilməli olduğunu ifadə edib.

Pediatr olmaq üçün çox çalışmaq tələb olunduğunu bildirən Prof. Dr. Çokçalış, "Pediatrik klinikaların sayının azalması, bu sahədə çalışanların isə qısa vaxtda istefa verdiklərini diqqətə çatdırıb. "Bu tendensiya uzun müddətdir ki, təkcə pediatriya deyil, həm də pediatriya üzrə alt-filiallarda müşahidə olunub. Pediatrik onkologiya, pediatrik hematologiya, yenidoğulmuş, təcili yardım, intensiv terapiya, nevrologiya şöbələrində həkim tapılmır", - deyə o qeyd edib.

Aymirə Ağamirova