Boğaza qaçan balıq sümüyünü necə çıxartmaq olar?

Balıq yeyərkən diqqətli olun. Xırda sümük boğazınıza qaça bilər.

Ulusum.az bu hadisə ilə üzləşənlərə həmin sümüyü çıxartmaq üçün faydalı məsləhətləri çatdırır.

Balıq yemək sağlam qidalanma vərdişi olsa da, bu zaman diqqətli olmaq çox vacibdir.

Balıq sümüyü xüsusilə xoşagəlməz hadisəyə səbəb ola bilər. Bu vəziyyətdən qaçmaq üçün balıq qəbul edərkən diqqətli olmaq və lazımi ehtiyat tədbirləri görmək lazımdır.

Qeyd etmək lazımdır ki, balıq sümüyü boğaza yapışdıqda təcili tibbi yardım tələb oluna bilər. Ona görə də balıqları qəbul edərkən yavaş-yavaş yemək çox vacibdir. Bundan əlavə, balığı yeməzdən əvvəl yaxşıca yoxlamaq və sümükləri çıxartmaq da belə halların qarşısını ala bilər.

Əvvəlcə balıq sümüyü hansı məqamdan qaçdığını müəyyən etmək lazımdır. Əgər o, boğazın aşağı hissəsinə qaçıbsa, öskürməklə çıxara bilərsiniz.

Amma əgər balıq sümüyü nisbətən iridirsə öskürək heç bir fayda verməyəcək. Onun düşdüyü nöqtəni müəyyən etdikdən sonra bir dilim limon sıxıb için. Limon şirəsi boğazdakı əzələləri rahatladır, bu da incə sümüyü daha asan çıxmağa imkan verir. Limon şirəsi metodu işə yaramırsa, bir dilim çörəyi yavaş-yavaş çeynəyin. Bu proses boğazdakı əzələləri aktivləşdirir və sümüyünçıxmasına kömək edir.

Əgər hələ də balıq sümüyü çıxmırsa, bir az zeytun yağı götürüb için. Zeytun yağı boğazdakı əzələləri yumşaldır və sümüyün daha asan çıxmasına kömək edir.

Bunların heç biri işə yaramırsa, o zaman mütləq həkimə müraciət etmək tövziyə olunur.

Aymirə Ağamirova