Mal bazarlarında canlama

"Kral" və "Paşa" alıcılarını gözləyir.

Qurban bayramına sayılı günlər qalır. İstanbulun Esenyurt bölgəsində yerləşən mal bazarına çıxarılan iri qurbanlıq heyvanlar "Kral" və "Paşa" alıcılarını gözləyir.

Ulusum.az Türkiyə mətbuatına istinadən bildirir ki, sahibkarlar bu heyvanları təxminən 280 min lirəyə satsalar da, qiymətdən narazı qalan alıcılar qiyməti azaltmağı təklif edirlər.

Sözügedən bazara çıxarılan, əsasən şərq rayonlarından gətirilən heyvanların orta çəkisi 250 kiloqrama qədərdir.

Hazırda bazara 2 mindən çox heyvanın satış məqsədilə gətirildiyi qeyd olunur.

1 ton 200 kilo çəkisi olan qurbanlıq danaya diqqətlə qulluq etdiklərini bildirən satıcı deyir:
"2 il yarımdır bu heyvana baxıram. Sakaryadan gətirmişəm. 10 ilə yaxındır ki buraya mal gətirirəm. Bu dananı 280 min lirəyə satıram, alıcını gözləyirik".


Qeyd edək ki, Azərbaycanda Qurban bayramı iyunun 16-17-nə təsadüf edir.

Mövzuya qayıdacağıq.

Aymirə Ağamirova