Tanınmış idmançı faciəvi şəkildə həlak oldu

Yarım ağır çəkidə boks çempionu Endi Tam motosiklet qəzasında dünyasını dəyişib.

Ulusum.az xəbər verir ki, 28 yaşlı idmançı sonuncu dəfə mayın 17-də döyüşüb. 10 raundluq döyüşdə Corc Stüarta uduzub.

Cəmi 13 gün sonra, mayın 30-da şotlandiyalı boksçu motosiklet sürərkən, doğulduğu Kambernauld şəhərində avtomobil ilə toqquşub. O, ağır xəsarətlərlə Qlazqodakı Kraliça Elizabeth Universitetinin xəstəxanasına aparılıb. Bazar günü orada vəfat edib.

Polis qəzanın baş vermə şəraitini araşdırmağa davam edir.