Türkiyədə SES yandı - 14 nəfər zəhərləndi

Türkiyənin Eskişehir Su Elektrik Stansiyasında baş verən yanğın zamanı 14 nəfər tüstüdən zəhərlənib.

Ulusum.az xəbər verir ki, hadisə Alpu rayonunda baş verib.

Zərərçəkənlər xəstəxanaya yerləşdirilib.

Xəbərə görə, yanğın elektrik stansiyasında transformatorun partlaması nəticəsində baş verib.

Əraziyə təcili yardım, yanğınsöndürən və jandarm briqadaları göndərilib, yanğın nəzarət altına alınaraq söndürülüb.

Zərərçəkənlərin həyatı üçün təhlükənin olmadığı bildirilir.