Tonlarla məhsul sel sularının altında qaldı VİDEO

Kür çayı daşaraq məcrasından 2 kilometr kənara çıxıb.

Tovuzun Hunanlar kəndi ərazisində Kür ətrafı əkin sahələri, taxıl sahələri, ərik bağları və biçənəklər sel sularının altında qalıb. Kənd sakinləri əsasən kök və çuğundur əkini ilə məşğul olur.

Fermerlərin Ulusum.az-a verdiyi açıqlamaya görə, hektarlarla ərazi, tonlarla məhsul artıq yararsız hala düşüb. Onun da 180 hektarı təkcə əkin sahələrinin payına düşür.

Kür ətrafı meşəliklər də sel sularına qərq olub. Kürdə suyun səviyyəsi orta hesabla 2 metrə qədər yüksəlib. Hazırda suyun səviyyəsi artmaqda davam edir. Əhaliyə dəyən maddi ziyanla bağlı Rayon İcra Hakimiyyətinin nəzdindəki Fövqəladə Komisiyyası tərəfindən baxış keçirilib.

Bildirilib ki, təbii fəlakətlə bağlı əhaliyə xəbərdarlıq edilib. Əkin sahələrinin sığortalı olması da dəyən ziyanın qarşılanması üçün vacib olan amillərdən biridir.

Ulusum.az Qər Bürosu