Ermənistan Müdafiə Nazirliyi bəyanat yaydı

Son günlər zabitlərin Tavuşdakı mövqelərdən geri çəkilmək əmrini yerinə yetirməkdən imtina etmələri barədə internetdə məlumatlar yayılıb. Bu məlumatlar tamamilə yalan, qəsd və uydurmadır və reallıqla heç bir əlaqəsi yoxdur.

Ulusum.az bildirir ki, Ermənistan Müdafiə Nazirliyinin bəyanatında belə deyilir.

Nazirlik Ermənistan ordusu, komandirləri və digər şəxsi heyəti haqqında həqiqətə uyğun olmayan məlumatları dərc etməkdən çəkinməyə və yalnız idarənin rəsmi məlumatlarına əsaslanmağa çağırır.

Qeyd edək ki, mayın 25-də Ermənistanın baş naziri Nikol Paşinyan Tavuş vilayətinin sərhəd kəndlərinə səfər edib və orada MTN Sərhəd Qoşunlarının nümayəndələri ona Azərbaycanla sərhədin delimitasiyası prosesi barədə məruzə ediblər.