Təhlükəli hava şəraitində axtarışlar davam edir - VİDEO

Tovuzda su anbarında batan şəxsin axtarışları hava şəraitinə baxmayaraq davam etdirilir.

Bu barədə Ulusum.az-a Fövqəladə Hallar Nazirliyindən məlumat verilib.

Şəmkir su anbarının Tovuz rayonu ərazisinə düşən hissəsində batdığı ehtimal olunan həmin rayonun Aşağı Öysüzlü kənd sakini 1987-ci il təvəllüdlü Baxşəliyev Zabit Paşa oğlunun axtarışları Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupları tərəfindən aparılır.

Nazirliyin açıqlamasına əsasən, ərazidə hava şəraitinin mürəkkəbliyinə baxmayaraq, axtarış işləri fasiləsiz olaraq davam etdirilir.