Qatarlarda gediş haqqı verməyənlər "yandı" - Yeni sistemə keçid

Dünyanın ən çox əhalisi olan ölkələrdən biri Hindistandır. Bu ölkədə dəmir yol nəqliyyatı ən çox istifadə edilən nəqliyyat hesab edilir.

Ulusum.az xarici KİV-ə istinadən xəbər verir ki, Hindistanda gediş haqqı verməyən sərnişinlərin çoxluğuna görə qatarlara yeni kilid sistemi qoyulacaq və mühafizəçilər cəlb ediləcək. Bununla bağlı qərarın yaxın zamanda qüvvəyə minəcəyi gözlənilir.

Mühafizəçilərin köməyi ilə gediş haqqı verməyən sərnişinlər saxlanalaraq polisə təhvil veriləcək.

Kilid sistemi isə qapılara qoyulacaq, daha sərt şəkildə qapıların bağlanması gediş haqqı verməyən sərnişinlərin qarşısını almağı nəzərdə tutur.

Qeyd edək ki, gün ərzində Hindistanda on minlərlə insan dəmir yolu nəqliyyatından isitfadə edir.

Ağa Dadaşzadə