Bu futbolçu "Valensiya"dan ayrılır

İspaniya La Liqasında mübarizə aparan “Valensiya” Dieqo Lopez ilə bağlı hər kəsi təəccübləndirən qərar verib.

Ulusum.az-ın məlumatına görə, bu haqda xarici KİV xəbər yayıb.

Uğurlu mövsüm keçirməyən “Valensiya” gənc oyunçunu satmaq fikrinə düşüb.

Klub 22 yaşlı sol cinah hücumçusunu 20 milyon avroya satmaq istəyir.

Qeyd edək ki, Dieqo Lopezin “yarasalar”la olan müqaviləsi 2027-ci ildə bitəcək. Lakin klub Lopezdən pul qazanmaq niyyətindədir.

Xatırladaq ki, ispaniyalı futbolçu bu mövsüm çıxdığı 35 görüşdə 3 qol vurub, 6 məhsuldar ötürmə edib.

Ağa Dadaşzadə