44 ildən sonra ilk dəfə İrana getdi

Misirin xarici işlər naziri Sameh Şukri İrana səfər edib.

Ulusum.az bu barədə xarici KİV-ə istinadən məlumat verir.

Bildirilib ki, bu, Qahirə ilə Tehran arasında münasibətlərin kəsilməsindən sonra ilk səfərdir.

Belə ki, nazir İranın mərhum Prezidenti İbrahim Rəisinin xatirəsini yad etmək üçün Tehrana gedib.

Qeyd edək ki, iki ölkə arasında əlaqə 44 il öncə, 1980-ci ildə Misirin inqilab zamanı devrilmiş Rza Şah Pəhləviyə sığınacaq verməsindən sonra kəsilmişdi.