Rəsul Rza mükafatının qalibləri bəlli oldu - FOTO EKSKLÜZİV

Rəsul Rza mükafatının qalibləri bəlli olub.

Mükafatın təqdimatı ötən gün Azərbaycan Yazıçılar Birliyində gerçəkləşib.

Kərkük Mədəniyyət Dərnəyinin başkanı, yazıçı-publisist, araşdırmacı jurnalist Şəmsəddin Kuzecinin Azərbaycan ədəbiyyatına diqqəti yüksək qiymətləndirilib.

Şəmsəddin Kuzeci 2023-cü ildə qələmə aldığı və 2 dəfə çap olunan Rəsul Rzanın 1950-ci ildə Bəxtiyar Vahabzadə və Qasım Qasımzadə ilə Kərkükə səfərindən bəhs edən “Uzaq ellərin yaxın töhfələri” kitabından dolayı "Rəsul Rza" mükafatına layiq görülüb.

Ulusum.az özəl olaraq xəbər verir ki, sözügedən mükafat "Rəsul Rza Ədəbiyyatı Ocağı" İctimai Birliyi tərəfindən tərtib olunub.

Qeyd edək ki, görüşdə Azərbaycan şairi, dramaturq, ictimai xadim Rəsul Rzanın oğlu və qızı, digər ictimaiyyət nümayəndələri iştirak iştirak edib.

Rübabə SAHİB