Şairlərə ən yüksək məbləğdə qonorar veriləcək

Şairlərə ən yüksək məbləğdə qonorar veriləcək.

Ulusum.az xəbər verir ki, Malinin Yazıçılar Birliyi İttifaqı mədəniyyət sahəsində inkişafı artırmaq üçün şairləri əməkdaşlığa cəlb edəcək.

Mali YBİ böyük musiqi agentlikləri əməkdaşlığa cəlb edib. Mali Mədəniyyət Nazirliyinin tapşırığına əsasən? musiqi agentlikləri sözləri Mali Yazıçılar Birliyi İttifaqına üzv olan şairlərdən almalıdır.

Burada seçim agentliyin ixtiyarına verilir ki, ittifaqa üzv olan yüzdən çox şair arasında seçim edə bilər. İstənilən mövzuda şeirlər müştərilərin ixtiyarındadır.

Bu layihənin əsas məqsədi şairlərin rifahının yaxşılaşdırılması, musiqi mədəniyyətinin inkişafına töhfə vermək və peşəkarlıq istiqamətində hərəkət etməkdir.

Məsələnin maraqlı tərəfi qonorardır. Qaydaya əsasən? şairlər öz şeirlərini standart məbləğlərə sata bilirlər, lakin şairlərin sözlərinə yazılan mahnılar uğurlu olarsa, xalq tərəfindən böyük tələbat qazanarsa, o zaman təyin olunmuş faiz məbləği şairin hesabına köçür. Vaxt limiti isə 6 ay və 3 il ərzində verilib.

Mahnı uğurlu olarsa 6 aya qədər məbləğ şairlərə ödənilməlidir, əgər mahnı daha gec sevilərsə 3 ilə qədər şair pulunu həmin agentlikdən tələb edə bilər.

Qeyd edək ki, məsləyə Mali Mədəniyyət Nazirliyinin musiqi şöbəsi birbaşa nəzarət edir.

Ağa Dadaşzadə