Afət Fərmanqızı “Avroviziya 2025”də çıxış edəcək?

Azərbaycanı gələn il “Avroviziya 2025” mahnı müsabiqəsində Afət Fərmanqızı təmsil edə bilər.

Ulusum.az-a açıqlama verən sənətçi Nəsiminin sözlərinə oxuduğu “Pəncü-şeş”i beynəlxalq musiqi yarışmasının tələblərinə uyğun şəkildə ifa etməyə hazır olduğunu bildirdi:

"İnnovativ dünyanın yeni tələbələri var. "Avroviziya"nın son illərində bir neçə zəif ifa var ki, yüksək nəticə əldə edib. Lakin mən iştirak etsəm, əminəm ki, “Pəncü-şeş”lə Avropaya səs salaram. Bir də mötəbər müsabiqələrdə emosiya önəmlidir, bir çox ölkədən neçə-neçə ifaçı nümunə gətirmək olar ki, üzərində 1 il işləyiblər, yüksək maliyyə xərcləyiblər, ancaq tutduğu yer 20-25 olub”, - deyə müğənni bildirib.

Gələn il “Avroviziya 2025” İsveçrədə baş tutacaq.

Qeyd edək ki, Afət Fərmanqızı hazırda Rusiyada ən çox tələb olunan müğənnilərdən biridir.

Ağa Dadaşzadə