“Avtomobilsiz şəhər” aksiyası keçiriləcək - NYU-YORKDAN EKSKLÜZİV

Aprelin 20-də şəhərdə “Yer Kürəsi Günü” münasibətilə səhər saat 10-dan saat 16-ya qədər “Avtomobilsiz şəhər” devizi altında aksiya keçiriləcək.

ULUSUM.az saytının Nyu-York şəhərindəki xüsusi müxbirinin məlumatına əsasən, aksiya şəhərin Nəqliyyat departamenti və şəhər meriyasının təşəbbüsü ilə təşkil olunub.  

Xəbərə görə, aksiya müddətində küçələrdə avtomobillərin hərəkəti dayandırılacaq, şəhər sakinlərinə və turistlərə Şəhər velosipedlərindən (City Bike) pulsuz istifadə etmək imkanı veriləcək.

Qeyd edək ki, bu barədə xəbər Nyu-York şəhərinin meriyası tərəfindən e-maillərə göndərilən məlumatda əks olunub. 

Münəvvər Vahabova

Ulusum.az-ın ABŞ Bürosu