Lökbatanda "Prius" "KamAZ"la TOQQUŞDU: 1 ölü, 4 yaralı

Bakıda ölümlə nəticələnən qəza olub.

Ulusum.az xəbər verir ki, hadisə Qaradağ rayonu Lökbatan qəsəbəsi ərazisində qeydə alınıb. 70 yaşlı Qasımov Firudin Həmid oğlu Xocasən qəsəbəsinə dönmək üçün dairəyə daxil olarkən Lökbatqan istiqamətində hərəkət edən 42 yaşlı Qubadzadə Anar Eyvaz oğlunun idarə etdiyi "Toyota Prius" markalı avtomobillə toqquşub.

Nəticədə "Prius"un sürücüsü və sərnişinlər - R. Qəhrəmanov, F. Ağayev, M. Rəhmətov xəsarət alaraq Respublika Xəstəxanasına, digər sərnişin 36 yaşlı N. Qəhrəmanov isə Kliniki Tibbi Mərkəzə yerləşdiriliblər.
Görülən tədbirlərə baxmayaraq, N. Qəhrəmanov orada ölüb.

Faktla bağlı cinayət işi açılıb, araşdırma aparılır.