Hacıqabulda ağır qəza: Ölən və yaralanan var - VİDEO EKSKLÜZİV

Hacıqabulda ölümlə nəticələnən yol qəzası baş verib.

Ulusum.az-ın məlumatına görə, yol qəza hadisəsi Hacıqabul şəhərində qeydə alınıb.

Hərəkətdə olan "Toyota-Prado" markalı minik avtomobilinin sürücüsü idarəetməni itirərək uşaq bağçasının divarına çırpılıb.

Nəticədə avtomobildə olan Şirvan sakini 38 yaşlı Ramil Əsgərov və sürücü Şirvan sakini 30 yaşlı İlqar Cəfərov müxtəlif dərəcəli xəsarətlər alaraq Şirvan xəstəxanasına yerləşdirilib.

Lakin həkimlərin səylərinə baxmayaraq sərnişin Ramil Əsgərovun həyatını xilas etmək mümkün olmayıb.

Əsgərov Ramil bir müddət sonra aldığı xəsarətlərdən dünyasını dəyişib. Faktla bağlı araşdırma aparılır.

Eltun Məmmədov