Füzulidə avtomobil aşdı, sərnişin ağır YARALANDI

Füzuli rayonunda ağır xəsarətlə nəticələnən yol-nəqliyyat hadisəsi baş verib.

Ulusum.az-ın məlumatına görə, sürücü avtomobil hərəkətdə olarkən idarəetməni itirərək nəqliyyat vasitəsini aşırıb.

Hadisə zamanı avtomobildə olan sərnişin 1992-ci il təvəllüdlü Vəliyev Xalid Razi oğlu xəsarət alıb. Yaralı təcili tibbi yardımın köməkliyi ilə Bakıda yerləşən xəstəxanaların birinə gətirilib.

Müayinə zamanı ona bel fəqərəsinin sınığı diaqnozu qoyulub.

Hadisənin təfərrüatı araşdırılır.