Xüsusi təyinatlılar etirazçılara müdaxilə etməyə BAŞLADI

Gürcüstan parlamentinin plenar sessiyasında "Xarici təsirin şəffaflığı haqqında" qanun layihəsinin üçüncü və sonuncu oxunuşda qəbul olunmasından sonra Tbilisidə toqquşmalar başlayıb.

Ulusum.az xəbər verir ki, parlament binasının qarşısında toplaşan etirazçılara polis müdaxilə edib.

Toqquşmalar zamanı çox sayda saxlanılanların olduğu, əraziyə su şırnaqları ilə müdaxilə edildiyi bildirilir.

Xüsusi təyinatlı polis Rustaveli prospektinin təmizlənməsinə başlayıb.

Polis parlament binasının yerləşdiyi bütün küçələri tutub.