Keniyada təbii fəlakət can almaqda DAVAM EDİR - VİDEO EKSKLÜZİV

Keniyada aprelin ortalarından başlayaraq yağan güclü yağışların səbəb olduğu daşqınlarda həyatını itirənlərin sayının 277-yə yüksəldiyi bildirilib.

Ulusum.az xəbər verir ki, hökumət sözçüsü İsaak Mvaura ölkədə baş verən daşqınlarla bağlı mətbuata açıqlama verib.

Seldə həyatını itirənlərin sayının 277-yə yüksəldiyini bildirən Mwaura, əlverişsiz hava şəraitinin təxminən 411 min insana təsir etdiyini və 56 min ailənin evlərini tərk etmək məcburiyyətində qaldığını bildirib.

Ölkə daxilində 62 sağlamlıq mərkəzinin zərər gördüyünü qeyd edən Mwaura epidemik xəstəliklərin ortaya çıxmağa başladığını və 53 vəbaya yoluxma halının aşkar edildiyini bildirib.
Hökumət daşqınlardan zərər çəkənlər üçün 167 düşərgə yaradıb.

Qeyd edək ki, Keniya da daxil olmaqla Tanzaniya, Somali, Burundi və Konqo Demokratik Respublikası kimi Şərqi Afrika ölkələri də leysan yağışların yaratdığı daşqınlardan zərər görüb.

Eltun Məmmədov