ATƏT sədri Cənubi Qafqaza səfər edəcək -BU TARİXDƏ

ATƏT-in fəaliyyətdə olan sədri, Maltanın xarici işlər naziri Yan Borqun Cənubi Qafqaza səfərinin vaxtı məlum olub.

Ulusum.az xəbər verir ki, bu barədə ATƏT-in saytından məlumat verilib.
Qeyd olunub ki, 13 may tarixində maltalı diplomat Ermənistana səfər edəcək.
İrəvanda Y. Borq Ermənistanın baş nazir Nikol Paşinyan, xarici işlər naziri Ararat Mirzoyan, Milli Assambleyanın sədri Alen Simonyan və Ermənistanın ATƏT Parlament Assambleyasındakı nümayəndə heyətinin üzvləri ilə görüşəcək.

ATƏT-in fəaliyyətdə olan sədrinin Azərbaycana da səfəri gözlənilir. Lakin səfərin tarixi barədə məlumat verilməyib.