Tovuzda məktəbli qız evlənmək məqsədi ilə qoşulub qaçıb. Hadisə Vahidli kəndində qeydə alınıb.
Orta məktəbin 10-cu sinfində təhsil alan 16 yaşlı qız dərsdən qayıdarkən 26 yaşlı Mətin Mustafayev tərəfindən qaçırılıb. Ailə hadisə ilə bağlı polisə müraciət edib.

Aparılan tədbirlər nəticəsində qızın yeri müəyyən edilib. O, polisə verdiyi ifadəsində öz istəyi ilə qoşulub qaçdığını söyləyib.

Qız rayon prokurorluğunda valideynləri ilə görüş zamanı da eyni ifadəni verib.

Ulusum.az-ın Qərb Bürosunun xəbərinə görə, araşdırma zamanı kənd sakini Mətin Mustafayevin 10-cu sinif şagirdini evlənmək məqsədi ilə qaçırtdığı məlum olub. Məktəbli qız ailəsinə təhvil verilib, məsələnin nəzarətdə saxlanılması təmin olunub.

Faktla bağlı araşdırma davam etdirilir.
Ulusum.az - Qərb Bürosu