Tanzaniya polisi dekabrın 9-da planlaşdırılan etirazların qanunsuz olduğunu açıqlayıb

Tanzaniya polisi bildirib ki, 9 dekabrda keçiriləcək hər hansı etiraz aksiyası qanunsuz hesab olunacaq.

Ulusum.az xəbər verir ki, bu barədə Reuters məlumat yayıb.

Qərar son seçkilərdən sonra baş verən iğtişaşlarda çox sayda insanın ölümü ilə bağlı artan narahatlıqlardan sonra verilib.

İnsan haqları təşkilatları yüzlərlə etirazçının toqquşmalarda öldüyünü iddia edir, hökumət isə bu məlumatları şişirdilmiş sayır. Polis bildirib ki, etiraz üçün heç bir rəsmi müraciət daxil olmayıb və aksiyalar dinc adı ilə çağırılsa da, təhlükə yarada bilər.

BMT Tanzaniya hakimiyyətini toplaşmaq azadlığını qorumağa çağırıb. ABŞ isə insan hüquqları ilə bağlı narahatlıqlara görə Tanzaniya ilə münasibətlərini yenidən qiymətləndirdiyini açıqlayıb.

Tanzaniya hökuməti bildirir ki, ölkə sülh və inkişaf naminə beynəlxalq əməkdaşlığa sadiqdir.

R.Daşdəmirova