Həyat yoldaşını ağır yaralayan şəxs Çində saxlanıldı

Noyabrın 24-də paytaxtın Xətai rayonunda bir kişi həyat yoldaşını kəsici alətlə ağır yaralayaraq hadisə yerindən qaçıb. Daxili İşlər Nazirliyindən verilən məlumata görə, aparılan araşdırmalar nəticəsində müəyyən olunub ki, Rüstəm İbrahimov cinayəti törətdikdən sonra ölkəni tərk edərək əvvəlcə Türkiyəyə, daha sonra isə Çinə gedib.

DİN əməkdaşlarının Çin Xalq Respublikasının hüquq-mühafizə orqanları ilə birgə keçirdikləri əməliyyat nəticəsində Rüstəm İbrahimovun Çinin Sianyanq şəhərində saxlanıldığı bildirilib.

Hazırda onun Azərbaycana ekstradisiyası ilə bağlı müvafiq hüquqi tədbirlər davam etdirilir.

Ulusum.az