U-23 Avropa çempionatı: İki boksçumuz növbəti mərhələyə yüksəldi

Macarıstanın paytaxtı Budapeştdə keçirilən boks üzrə U-23 Avropa çempionatında Azərbaycan millisinin üzvləri uğurlu çıxışlarını davam etdirir.

Ulusum.az xəbər verir ki, yarışın ikinci günündə Azərbaycan millisinin daha 2 boksçusu qələbə qazanıb.

Yarışın ikinci günündə 55 kq çəki dərəcəsində çıxış edən Amin Məmmədzadə ispan rəqibi Friha İsmail Maqraoviyə qarşı döyüşdə 5:0 hesablı qələbə qazanıb. O, 1/4 finalda gürcüstanlı Qor Ayvazyanla qarşılaşacaq.

60 kq çəki dərəcəsində rinqə çıxan Tağı Nəsibov da ilk döyüşündə qalib gəlib. O, polşalı Yakub Krzpyeti 4:1 hesabı ilə məğlub edərək 1/4 finala vəsiqə qazanıb. Növbəti rəqibi irlandiyalı Qavin Ryan olacaq.

Tağı Nəsibov sabah, Amin Məmmədzadə isə noyabrın 26-da yarımfinal uğrunda mübarizə aparacaq.
Çempionat noyabrın 29-da yekunlaşacaq.

R.D