Gəncədə “BakuBus” fəaliyyətə başladı: Qadın sürücülərin işə cəlb olunması gündəmdə

Qadın avtobus sürücüləri işə başlayıblar.

Gəncədə sərnişin daşımalarının keyfiyyətinin artırılması məqsədilə “BakuBus” MMC sentyabrın 28-dən fəaliyyətə başlayıb. Şirkət üçün Gəncə Beynəlxalq Avtovağzalının arxa hissəsində müasir avtobus parkı inşa edilib.

Yenilənmiş 20 marşrut xəttinə 280 ədəd EURO6 standartına cavab verən avtobuslar istismara verilib. AYNA ictimai nəqliyyatda qadın sürücülərin sayını artırmaq üçün xüsusi təlim proqramı həyata keçirir.

Artıq Bakıda iki xanım sürücü “BakuBus”da rəsmi fəaliyyətə başlayıb. Gəncə sakinləri bu təşəbbüsün şəhərdə tətbiq edilməsini müsbət qarşılayır. Ulusum.az xəbər verir ki, onların fikrincə, qadın sürücülərin iştirakı xidmət mədəniyyətinin və təhlükəsizliyin daha da yüksəlməsinə şərait yarada bilər.

R.Daşdəmirova