Nizami rayonunda oğurluq: 70 min manat və qızıl əşyalar aparıldı

Nizami rayonunda oğurluq: 70 min manat və qızıl əşyalar aparıldı, şübhəli saxlanılıb

Nizami rayonunda yerləşən evlərdən birindən 70.000 manat məbləğində nağd pul, 8.000 manat dəyərində qızıl-zinət əşyaları və şəxsi sənədlər oğurlanıb.

Daxili İşlər Nazirliyinin mətbuat xidmətindən ulusum.az-a verilən məlumata görə, Nizami Rayon Polis İdarəsinin 24-cü polis şöbəsinin əməkdaşları tərəfindən keçirilən əməliyyat-axtarış tədbiri ilə cinayət əməlini törətməkdə şübhəli bilinən 26 yaşlı Məhəmməd Məcid müəyyən olunaraq saxlanılıb.

Araşdırmalar zamanı məlum olub ki, şübhəlinin cinayətin baş verdiyi ünvana gediş-gəlişi təhlükəsizlik kameraları vasitəsilə də qeydə alınıb.

Faktla bağlı cinayət işi başlanılıb.

Ulusum.az