15 oktyabr – Şəhidlərin xatirəsinə ehtiramla keçirilən anım tədbiri VİDEO

Bu gün, 15 oktyabrda, Xırdalan şəhərində yerləşən Abşeron Mədəniyyət Mərkəzində Vətən müharibəsində qazanılan şanlı qələbənin 5-ci ildönümünə və şəhidlərimizin müqəddəs xatirəsinə həsr olunmuş dərin mənalı bir tədbir keçirildi.



“Şəhid Analarına Dəstək” İctimai Birliyinin təşkilatçılığı ilə baş tutan mərasimdə şəhid ailələri, ictimaiyyət nümayəndələri, məktəblilər və millət vəkilləri bir araya gəldilər.

Tədbirdə duyğulu anlar yaşandı. Qəhrəman şəhidlərimizin igidliyi, ailələrinin qüruru və xalqın minnətdarlığı sözlərlə ifadə olundu.



Mərasimin sonunda şəhid anaları və deputatlar çıxış edərək qeyd etdilər ki, bu torpaq şəhidlərimizin qanı ilə azad olub və onların xatirəsi daim qəlblərdə yaşayacaq. Qazilərimizə isə möhkəm can sağlığı və xoşbəxt ömür arzulandı.



Ulusum.az komandası olaraq bu tədbirdə iştirak etdiyimiz üçün şərəf duyuruq.

Qəlbimizdə yaşayan bu acı, heç vaxt unudulmayacaq. Azərbaycanın sülh və sabitlik içində yaşaması üçün etdikləri fədakarlıq hər zaman yad ediləcək.



R.Daşdəmirova
Ulusum.az