Gəncədə gənc qadının çantası oğurlanıb.

Məlumata əsasən, gənc xanım uzun müddət avtobus gözlədikdən sonra dayanacağın arxasında yerləşən skamyada əyləşib. Qısa müddət sonra gələn avtobusu görərək nəqliyyat vasitəsinə minib. Avtobusun daxilində çantasının olmadığını anlayan gənc növbəti dayanacaqda düşərək geri qayıdıb, lakin çantasını yerində tapa bilməyib.

Hadisə ilə bağlı əldə etdiyimiz videomüşahidə görüntülərindən görünür ki, çanta naməlum qadın tərəfindən götürülüb. Kadrda həmin şəxs ətrafa göz gəzdirdikdən sonra qəfil çantanı götürür və ərazidən uzaqlaşır.

Hadisə ilə bağlı polisə şikayət edilib. Faktla bağlı araşdırma aparılır.

R.D