Gəncədə güclü külək bir sıra fəsadlar törədib

Aşan ağaclardan biri qaz xəttini zədələyib. Hadisə baş verən ərazidə qaz təchizatı müvəqqəti dayandırılıb.

Aşan digər ağac isə müvəqqəti olaraq yolun bağlanmasına və bir işıq dirəyinin zədələnməsinə səbəb olub.

Ulusum.аz-a bölgə müxbiri xəbər verir ki, Gəncə şəhər Mənzil-Kommunal Təsərrüfatı İstehsalat Birliyinin Yaşıllaşdırma şöbəsi tərəfindən aşan ağacların doğranaraq ərazidən daşınması təmin edilib.

Hazırda Gəncə şəhərində küləyin sürəti zəifləyib, hava şəraiti sabitdir.