Külək Xaçmazda fəsadlar törədib - FOTOLAR

Külək Xaçmaz rayonunda fəsadlar törədib.


"Ulusum.az"ın Şimal bürosunun məlumatına görə, Xaçmaz-Xudat avtomobil yolunun Nərəcan kəndindən keçən hissəsində külək iri gövdəli ağacı kafenin üstünə aşırıb.

Nəticədə bir mərtəbəli tikliyə ciddi ziyan dəyib, kafedə olan şəxslər isə xəsarət alıb.

Həmçinin adı çəkilən ərazidə qırılaraq magistiral yola düşən agac parçaları avtomobillərin hərəkətini çətinləşdirib.

Küləklə müşahidə olunan hava şəraiti səbəbindən Xaçmaz rayonunun bir hissəsinə elektrik enerjisinin verilişi dayanıb.

Xanlar Qaraca