Hansı avtomobil markası daha çox SATILIR? - EKSKLÜZİV

Hazırda ölkə ərazisində ən çox istifadə olunan avtovomobil markaları "Mersedes", "Vaz", "Hyundai" və "Kia"dır.

Ulusum.az xəbər verir ki, hazırda avtomobil bazarında canlanma var.

Son dövrlər bazara yeni Çin istehsalı olan avtomobillər gətirilir, lakin ənənəvi markalara daha çox üstünlük verilir.

Bununla bağlı avtomobil satışı ilə məşğul olan İlqar Məmmədov Ulusum-a açıqlamasında deyir ki, hər təbəqənin istədiyi ənənəvi avtomatika siyahısı var. 7-10 min manat civarında büdcəsi olan insanlar taksilərə qoyulan bəzi tələblərdən sonra "Prius" almaq istəyirlər. Ancaq 12-16 min büdcəsi olan insanlar yenə "Hyundai" və "Kia" almağı üstün tuturlar. Ümumiyyətlə, Azərbaycanda ənənəvi markalar dəbdən düşmür.

İ.Məmmədov ən çox satılan yeni avtomobillərin satışından da danışıb: “Yeni avtomobil alan, lakin büdcəsi 40-60 min manat arası olan insanlar günün tələblərinə görə, Çin istehsallı avtomobilləri seçirlər. Çünki həmin markaların əksəriyyətinin "full” siniflidir. Lakin həmin büdcə aralığında olan insanlar var ki, Çin deyil, Koreya avtomobillərinə üstünlük verir. Amma hazırda yeni avtomobillər içərisində Çin istehsallı markalar daha çox satılır”, - deyə bildirib.

Qeyd edək ki, təkcə bu gün ölkə ərazisində satışa 2000-dən çox avtomobil çıxarılıb.

Ağa Dadaşzadə