Avtobusda DAVA - BAKIDA - EKSKLÜZİV

Ötən gün axşam saatlarında Bakıda "Baku Bus"un 30 saylı marşrut xəttində dava düşüb.

ULUSUM.az-a bu barədə avtobusda olan sərnişinlərdən biri məlumat verib.

Avtobus “28 May”dan Babək prospekti istiqamətində hərəkət edən zaman 50-60 yaşlarında kişi avtobusa minərkən ödəniş etməkdən imtina edib.

Ödəniş tələb olunanda kişi sərnişin sürücüyə kobud cavab verib. O isə ödəniş edilmədiyi təqdirdə, yola davam etməyəcəyini bildirib.

Bundan sonra sərnişinlər arasında qalmaqal yaşanıb, daha sonra mübahisə davaya çevrilib.

Bir neçə dəqiqəlik əlbəyaxa qarşıdurmadan sonra ara sakitləşib. Ödənişi etməkdən imtina edən kişi sərnişinin içkili olduğu bildirilir.

Məsələ ilə bağlı "Baku Bus"la əlaqə saxladıq. Lakin qurum cavab verməkdənsə susmağı seçdi.

Ağa Dadaşzadə