Metroda NASAZLIQ - QATAR TƏCİLİ BOŞALDILDI

"Dərnəgül-Həzi Aslanov" marşrutu üzrə hərəkət edən qatarın bir vaqonunun qapılarında sərnişin müdaxiləsi nəticəsində nasazlıq yaranıb.

"28 May" stansiyasında maşinist vaqon qapılarına baxış keçirib və qatarın sərnişinlər düşürülməklə xətdən çıxarılması zərurəti yaranıb.

Nəticədə, qatar stansiyanı sərnişinsiz olmaqla, 6 dəqiqə yubanma ilə tərk edib.

Əks istiqamətdən xəttə ehtiyat qatar buraxılıb.

Hazırda qatarlararası intervalın bərpa edilməsi istiqamətində tədbirlər görülür.

Ağa Dadaşzadə