Azərbaycan restoranı BRAZİLİYADA - EKSKLÜZİV

Braziliyanın paytaxtında Azərbaycan restoranı açılacaq.

Bu barədə ULUSUM.az saytına həmyerlimiz Murad Aşurbəyov məlumat verib. O qeyd edib ki, bir neçə azərbaycanlının təşəbbüsü ilə açılacaq restoranın menyusunda Azərbaycan yeməkləri olacaq:

“Məqsəd Azərbaycan mətbəxini Braziliyada tanıtmaq, burdakı insanlarla milli yeməklərimizi tanış etməkdir. Düşmüşük ki, uğurlu iş ərsəyə gələcək. Məncə, burdakı insanlara da maraqlı olacaq. Bunun marketinq tərəfini də düşünmüşük. Çünki braziliyalılar digər ölkələrin yeməklərinə çox da üstünlük vermir. Ancaq biz elə tanıtım aparacağıq ki, dadlı yeməklərimiz burda da dillərə dastan olsun”.

Qeyd edək ki, Braziliyada Azərbaycan restoranının gələn ay açılışı planlaşdırılır.

Ağa Dadaşzadə